ارمنی

آواره گی بیچاره گی بیخانمانم ارمنی

مالت نیذانم ها له كو ، روح وروانم ارمنی

بیخود ارا ترسی خومم ، قرصه دمم خاطر جمم

مانگه شوه سایه خومه ، ها شان وشانم ارمنی

نیوش اوقره چشتی نیه،در وا كه بارم كفتیه

هر یه چكه نذری بكه، تر بو زوانم ارمنی

پشتم له بار درد وغم ، شكیا نیذانم چه بكم

دردم یه سه له مال خوم، بیخانمانم ارمنی

روژ و شاوم جوریكه ، درواكه نومیدم نكه

آخه و ناشر تازه مه،جاهل جوانم ارمنی

در وا كه زیوتر پرتوه ، مهمانكه آخر شوه

یی شیشه لو بد مصوه پر كه بذانم ارمنی